Bag-ong Miss Grand USA 2026

CEBU, Philippines — Pormal nang gitudlo si Ms. Grand USA 2026 first runner-up Victoria Oluwakotanmi  isip bag-ong Miss Grand USA 2026. Una na nga gianunsyo sa niaging adlaw ang pagka -dethrone ni Mekayla Li sa Massachusetts sa maong titulo kapin usa ka semana human sa grand coronation. “Victoria now steps forward to carry the crown, represent the United States, and begin an extraordinary new chapter with the Miss Grand USA organization,” suma pa sa organisasyon.

Nadakpan na

Gikatahong nadakpan    na didto sa Kuala Lumpur, Malaysia, ang  negosyante nga si Chanda Atienza, kini suma pa  sa beauty queen nga si Lars Pacheco ngadto sa PEP.Dugay na nga gipangita si  Atienza  sa National Bureau of Investigation (NBI) tungod sa giingong investment scam ug kasong may kalabotan sa paglapas sa Securities Regulation Code. Siya ang tag-iya sa usa ka skincare company . Lakip sa mga kanhi brand ambassador niini mao ang mga aktres nga sila Rufa Mae Quinto ug Neri Naig, nga nadamay kaniadto sa isyu tungod sa ilang pag-endorso sa maong kompanya.

Excited sa iyang Pinoy fans

Naghinam -hinamhinam na  ang Grammy-winning artist nga si John Legend sa iyang pagbalik sa Pilipinas alang sa ika-upat nga higayon, diin iyang gihulagway ang mga Filipino isip usa sa pinakadasig ug pinakasuportadong music fans sa kalibotan. Sa interbyu niini  kang Rico Hizon sa ABS-CBN News Channel, gibutyag sa singer  nga espesyal alang kaniya ang koneksyon sa Filipino fans.Ang konsyerto niya nga “An Evening of Songs and Stories” kay pagahimoon sa  The Proscenium Theater sa Rockwell karong Septiyembre 3 ug 4.

Angelica ug Andrew nagbulag

Gikumpirmar sa  aktres nga si Angelica Hart sa “Fast Talk With Boy Abunda” sa niaging adlaw nga nagbulag  na sila ni Andrew Muhlach.

“It was so fun. Sobrang happy po ako, sobrang happy kaming dalawa. Lahat ng gusto naming gawin sa relasyon,  ginagawa namin,” niya pa.

Okay ra gyud unta ang ilang relasyon kaniadto apan  sa paglabay sa panahon, nasabtan nila nga adunay mga kalainan sa ilang personalidad.

“Pero sa lahat naman ng bagay magkasundo kami. Pero nung time na naghiwalay kami, nag-usap kami , ngayon mabuting magkaibigan kami,” dugang pa sa aktres.Gitataw sa aktres  nga wala mahimong isyu sa ilang relasyon ang iyang pagkalakip kaniadto  sa sexy projects.

Giklaro   usab ni Angelica nga walay third party sa ilang panagbuwag .

Butang nga makapasapot ni Jennica

Gibutyag sa aktres nga si Jennica Garcia nga saputon siya og artista nga moabot sa set nga dili andam sa ilang trabaho. Nahisgotan ang maong butang sa iyang guesting sa “Think Talk Tea,” diin gipangutana siya  kung unsa nga klase sa kauban sa trabaho ang dili niya ganahan.

Gipahimog-atan  niya ang importansya sa pagtrabaho  ug ang pagrespeto sa propesyon.

SB19 molugwa sa big screen

Gipahibalo sa P-pop group nga SB19 nga ipasalida na sa mga sinehan ang ilang “Wakas at Simula: The Trilogy Concert Finale” karong  Oktubre 7.

Suma pa sa  SB19 nga dad-on nila sa sinehan ang mga espesyal nga higayon gikan sa ilang mga concert ug ang mga kaagi  nga ilang gipaambit uban sa ilang fans nga gitawag og A’TIN.

“From unforgettable stages to a journey shared with A’TIN, SB19 brings it all to the big screen,” suma pa sa maong grupo.