PNP pahugtan ang paghipos sa mga armas

CEBU, Philippines — Mas gipahugtan karon sa Philippine National Police ang mga patakaran ug tamdanan niini para sa tanang mga sakop mahitungod sa hustong pagtip-ig sa ilang mga armas human nigawas sa imbestigasyon sa nahitabong pagpamusil didto sa sulod sa eskuylahan sa Zamboanga City nga government issued nga pusil ngadto sa amahan estudyanteng namusil ang usa sa mga armas nga iyang gigamit sa krimen.

Si PNP chief Gen. Jose Melencio Nartatez Jr.  nagkanayon nga kabahin kini sa tinguha sa PNP nga pangusgan ug hugtan ang tulobagon sa mga sakop niini bahin sa paghipos sa ilang mga armas diha sa ilang mga balay.

“We remind all our personnel to exercise utmost responsibility in securing their firearms, especially when they are off duty and at home,” matud pa sa iyang pamahayag.

Ang 14-anyos nga suspek sa pagpamusil sa Ateneo de Zamboanga University Junior High School shooting,  nigamit og duha ka armas nga giisyu ngadto sa iyang amahan nga usa ka opisyal sa Bureau of Customs. Girelibohan na sa pwesto ang amahan sa maong bata ubos sa mando ni BOC Commissioner Ariel Nepomuceno.

Gimandoan ni Nartatez tanang police commanders paghimo og firearm-accountability reminders sa matag briefings sa ilang mga sakop nga tarungon gyud og hipos ang ilang mga armas.

“We support calls for stricter accountability among gun owners. Responsible storage is non-negotiable,” sumala pa sa PNP chief.

Gani sa laing pagpamusil sa sulod sa eskuylahan niadtong bulan sa Hunyo didto sa Tacloban City, ang usa sa duha ka armadong menor de edad nikuha gigamit ang government issued Glock pistol sa iyaan niyang polis.

Revisit gun laws

Si Sen. Raffy Tulfo nanawagan alang sa mas estrikto pa gyung patakan bahin sa pagtip-ig o paghipos sa mga armas sa mga polis aron dili kini makuha sa mga bata.

Gusto ni Tulfo nga maghimo ang PNP og physical inspections sa mga gun owner’s storage system sa dili pa sila isyuhan og License to Own and Possess Firearms (LTOPF). “We need to revisit existing laws on gun ownership. Before issuing LTOPF, the PNP must inspect if the licensed owner has a secured place to store his gun,” matud pang Tulfo. “The gun should not be easily accessed by anyone, even the children of the licensed owner.”

Gusto sab niyang himuong dunay mandatory jail time para sa mga nanagiya og lisensyadong armas kung gamiton kini og laing tawo sa dautang katuyoan.

“If you are the licensed owner and your gun was used incorrectly, you should be sued and jailed,” matud pa niya.

Sukad atong bulan sa Hunyo hangtud Agosto ning tuiga, duna siyam ka mga bayolenteng insidente nga nahitabo sulod sa mga eskuylahan maong pormal nga nangayo og report bahin niini ang buhatan ni Tulfo kang DepEd Secretary Sonny Angara ug nitanyag sab nga motabang sa mga pamilya sa mga biktima.

Niduso sab si Tulfo sa Senate Bill 2371 para amendahan ang Juvenile Justice and Welfare Act of 2006 para mandoan ang Department of Social Welfare and Development nga moestablisar og mga Regional Rehabilitation Centers for Youth sa kada rehiyon para sa mga batang nakalapas sa balaod nga edad 12 hangtud 15 who anyos.