Mga bayolenteng websites gipang-block

CEBU, Philippines — Mga telecommunications companies sa nasud ipang-block ang mga websites nga nag-host o nagtugot pag post o streaming sa mga videos sa pagpamusil sila sa mga eskuylahan ug uban pang mga grabe ka bayolenteng mga panghitabo, human sa nahitabong pagpamusil sulod sa usa ka eskuylahan sa Zamboanga City sa miaging semana.

Ang PLDT Inc., Smart Communications Inc. ug Globe Telecom  niingon nga ilahang i-block ning mga websites nga magpakatap niini dinhi sa internet.

Ang PLDT nga gipangulohan ni Manuel "Manny" V. Pangilinan niadtong Biyernes, August 21, namahayag nga sobra 100 ka websites nga ilang nakit-ang nag streaming o nag host og mga footage sa school shootings ug uban pang mga bayolenteng mga hitabo ang ilang gipang-block.

Apil sa mo-block ang mga sakop sa PLDT network nga  wireless arm, Smart, nga ang buot ipasabot ani mao ang mga PLDT ug Smart subscribers  dili na maka-access anang maong mga websites.“This is something we do not tolerate,” matud pang PLDT Chief Operating Officer Butch Jimenez.

“We have decided to ban these kinds of sites preemptively, as soon as they are discovered. Our networks will not be used as a channel for content that glorifies violence and puts our communities, especially our children, at risk,” dugang pa niya.

Matud pa niya, magpadayun sila sa pag-monitor ug pag-ila sa mga websites uban sa pagtabang sa ubang government agencies, child protection organizations ug parenting communities para ma-block kining tanan.

“There is no debate to be had here, Content that turns real-world violence into entertainment has no place on our networks and in our society, and we will keep acting decisively every time we find it,” matud pa niya.

Samtang si Globe General Counsel Froilan Castelo, miingon nga dunay responsibilidad silang mga naa sa telecommunications industry nga motabang aron himuong luwas ang online environment ilabi na para sa mga kabataan.

“We have a responsibility to help make the online environment safer, especially for children and young people. As new risks emerge, we need to keep looking at what more we can do,” matud pang Castelo.

Ang maong lakang gihimo tulo ka adlaw human sa nahitabong dugoong pagpamusil sulod sa Ateneo de Zamboanga University sa Zamboanga City, diin usa ka 14-anyos nga estudyane ang namusil ug nakapatay sa laing estudyante ayha pa kini naghikog, laing duha pud ang naangol.

Ang insidene gi-livestream sa suspek pinaagi sa iyang Facebook account ug laing website, matud pang Interior Secretary Jonvic Remulla.

Mao kadtong ang ikaduhang pagpamusil sa sulod sa eskuylahan nga diin adunay nangamatay karong tuiga.

Ang una katong nahitabo adtong bulan sa Hunyo sa Tacloban City sa Leyte diin tulo ka estudyante ang namatay ug 20 ang nangaangol nga tinun-an sa dihang duha estudyante ang kalit nga namusil kanila sa sulod sa eskuylahan.

Safety drill

Sa laing bahin,  ang Department of Education nimando sa tanang mga eskuylahan sa nasud nga maghimo og nationwide school safety drill ugmang adlawa, Martes,  Agosto 25, kauban ang mga magtutudlo, mga estudyante ug personnel kung unsay ilang angay buhaton kun dunay “active attack” sa sulod sa ilang mga eskuylahan.

Magsugod kini alas-9 sa buntag base sa nagkadaiyang contingency plans sa matag eskuylahan.

Ang tumong niini para makita kung unsay mga angay buhaton sama sa pag-ila kung asa ang evacuation center, safe rooms, ug ang pisikal nga kaandam matag eskuylahan sama sa pagsusi kung naa bay mga locks ang mga pultahan sa matag lawak saringan ug uban pa. Si Education Secretary Sonny Angara gikatakdang personal nga mosaksi niini sa Carlos F. Gonzales High School sa Maguinao, San Rafael, Bulacan.