Sanya mituki sa “situationship”

CEBU, Philippines — Gipakita sa Kapuso actress ug singer Sanya Lopez ang iyang mas emosyonal ug ang malumong habig sa iyang kasingkasing  pinaagi sa bag-ong alternative pop single nga “Laro.”

Human sa kalampusan sa iyang energetic dance-pop track nga “Hot Maria Clara,” misulay si Sanya og laing musical direction pinaagi sa “Laro,” usa ka awit mahitungod sa “situationship”, unconditional devotion ug ubang  sakit nga kasinatian sa gugma. Ang kanta gihimo ug gipang-apod-apod ubos sa GMA Playlist ug gipalanog sa  nagkadaiyang digital streaming platforms.

 “If Hot Maria Clara was all about empowerment and a fun, danceable vibe, Laro is more emotional. It’s about loving someone wholeheartedly, only to realize that you’re giving your heart to someone who wasn’t right for you,” suma pa ni Sanya.

Nagsugod ang ideya sa “Laro” atol sa downtime ni Sanya sa recording session  alang  sa primetime series nga “Pulang Araw.” Samtang nag-standby siya human sa pagrekord sa Japanese song alang  sa serye, nakig-estorya siya kang GMA Playlist executive Rocky Gacho bahin sa posibilidad nga maghimo siya og bag-ong single.

Gipadayag ni Sanya nga ganahan siya  og kanta nga maka-relate ang mga tawo nga nakaagi og komplikadong relasyon o situationship.

“Sabi ko sa kanya, if ever gagawa ulit ako ng song, gusto ko sana about situationships or relationships that a lot of people can relate to. Yung tipong you gave your whole heart to someone, you genuinely loved that person, but in the end, you realize na hindi pala siya ‘yung right person for you.,” niya pa.

Aron mas mahatag niya ang hustong emosyon sa kanta, miagi usab si Sanya og vocal coaching sa wala pa siya misulod sa recording room.

“Before we recorded ‘Laro,’ binigyan nila ako ng vocal coach who really helped me prepare for the song. We worked on my voice para mas maayos ko siyang makanta at mas magkaroon ako ng confidence,” iyang gipaambit. Apan alang kang Sanya, dili lang kini bahin sa hustong pagkanta , kondili sa paghatod sa mensahe ug emosyon sa kanta ngadto sa mga tigpaminaw.

“I really tried to understand the story behind ‘Laro’ and sing it with the right emotions. For me, it’s not just about hitting the notes; it’s about making people feel the message of the song,” dugang pa niya. 

Nasaypan nga maldita

Nakabantay mismo si Francine Diaz nga siya ang  gipuntirya sa pipila ka blind items  kun diin gihulagway siya nga maldita.  Matud pa niya nga masaypan gyud  siya nga suplada gumikan  sa iyang pagkahilomon ilabi na sa mga higayon nga  naka-focus siya sa iyang  mga bulohaton. Dinhi nag-ugat ang intriga nga dili siya hinagad .  Matud pa niya nga mahigalaon siya nga pagkatawo.

Gian pasok sa "Pee Mak"

Ang pagkalakip sa Philippine adaptation sa  Thai blockbuster hit nga  "Pee Mak" maoy  unang pasabog  sa acting career  sa  bokalista sa Cup of Joe nga si  Gian Bernardino . Mao kini ang labing una niya nga proyekto ubos sa Viva Films. Nalakip pud sa maong pelikula sila Wilbert Ross, Bea Binene, Vandolph, TJ Valderrama, ug Jairus Aquino.

Dili mabdos

Aminado  si Shaira Diaz  nga  nadugangan  ang iyang timbang apan iyang giklaro nga dili siya mabdos. Suma pa sa aktres nga naa siya sa proseso sa pagpagamay og balik sa iyang lawas.  Gitambagan niya ang ubang tawo  nga hunongon na ang pagpanaway sa mga tawo nga dunay dagkong timbang . Matud pa niya nga subo nga palandungon nga dunay mga tawo nga mobuhi og sakit nga mga pulong.