Nagbalik-balik nga isyu

CEBU, Philippines — Gibutyag ni Awra Briguela nga dili angayan nga hukman ang tawo sa tibouk kinabuhi niini.  Aminado si Awra nga duna siya’y nabuhat nga sala kaniadto apan wala nagpasabot nga kanunay kini nga ihapak kaniya bisan iya na kini nga gibasolan.  Kahinumdoman nga   balikon kanunay  sa iyang bashers ang paghisgot  sa  isyu niya kaniadto kun diin nalambigit siya og kagubot sa usa ka bar sa Makati niadtong 2023.   “Ang isang tao ay hindi dapat habambuhay na husgahan,” ni Awra pa.

Korean stars makatrabaho ni Wilbert

Makatrabaho ni Wilbert Ross ang  duha ka  sikat nga Korean stars sa umaabot niya nga pelikula nga  “The Guardian.” Kini naglangkob nila Nam Woo-hyun, K-Pop idol ug  bokalista sa  grupong Infinite, ug Park Eun-hye, nga nisikat sa  Korean drama series nga Jewel in the Palace.Kauban usab  ni  Wilbert sa pelikula sila  Yassi Pressman, Eric Ejercito, Billy Villeta, Jacq Yu, Fatima, Yumi, Heart Ryan, Joko Diaz, Katya Santos, ug Jeric Raval.Ang “The Guardian” kay ubos sa direksyon ni  Jeong Jang Hwan, nga nailhan  sa mga pelikulang Steel Rain ug Save the Green Planet!.

BINI mikulit og kasaysayan sa Summer Sonic

Padayon nga nagsidlak - sidlak  ang P-pop group nga BINI sa ilang makasaysayanong paglugwa  sa Summer Sonic 2026 festival didto  sa Japan sa niaging adlaw diin ilang gipakita ang talento sa mga Pinoy sa global music stage.

Nipasundayag ang maong “Nation’s Girl Group” sa Osaka niadtong Agosto 14 pinaagi sa ilang 40 minutos nga set sa Mountain Stage sa Expo ’70 Commemorative Park.

Mibalik usab ang BINI sa entablado sa Tokyo niadtong Agosto 16, diin ilang gipadayon ang pagdala sa OPM ngadto sa Japanese audience sa Mountain Stage sa ZOZO Marine Stadium ug Makuhari Messe.

Dako usab ang nahimong atensyon sa social media sa ilang pag-perform  sa Summer Sonic. Misaka ang BINI sa No. 1 sa global trends sa X niadtong Biyernes ug No. 3 niadtong Domingo. Nag-una  usab sila sa trending topics sa X Philippines sulod sa  duha ka adlaw.

Lakip sa ubang Filipino artists nga ni-perform  sa Summer Sonic 2026 kay si  Ena Mori ug ang grupong SB19.