Alex Eala mosagubang og malisud nga tahas

CEBU, Philippines — Si Alex Eala mopas-an og mabug-at nga tahas sa dihang sangkaon sa Pinay tennis star si world No.10 Anisimova sa Amerika sa ikatulong hugna sa Cincinnati Open 2026 karong adlawa (Martes, Agosto 18 oras dinhi sa Pilipinas) didto sa Lindner Family Tennis Center sa Mason, Ohio.

Ang duwa gibana-bana nga magsugod sa alas 8:30 sa buntag labing sayo.

Ang 21-anyos nga si Eala miligid ngadto sa Round of 32 human midaog pinaagi sa walkover batok ni Elena-Gabriela Ruse sa iyang Cincinatti debut sa miaging tulo ka adlaw.

Si Eala, nga mibira sa una niyang korona sa WTA sa Washington Open duha ka semana na ang milabay, labaw kaayo sa iskor nga 6-1, 3-0 sa dihang si Ruse miretiro tungod sa injury. Ang Romanian nakadawat nang daan og medikal nga atensyon sa tuo niyang tiil sa wala pa giundang ang duwa tungod sa dili maayong panahon.

Si Eala makigharong ni Anisimova sa unang higayon sa iyang karera.

Ang Amerikanang 9th seed miabante human gipalagpot si Zeynep Sonmez sa Turkey 6-2, 6-3.

Ang garbo sa Pilipinas nga rated No.20 sa kalibutang gipaabot nga mosagubang og malisud nga tahas batok sa 24-anyos nga si Anisimova, usa ka four-time WTA champion ug runner-up sa US Open ingon man sa Wimbledon sa miaging tuig.

Kanhi world No.3, si Anisimova nakaabot sa quarterfinals sa Australian Open niadtong Enero ug nahumong labing bata nga French Open semifinalist sa edad nga 17 anyos niadtong 2019.