Dating Cagayan mayor at misis kulong sa graft

MANILA, Philippines — Hinatulan ng Sandiganbayan ng anim na taon na pagkabilanggo ang isang dating mayor sa isang bayan sa Tuguegarao City at misis nito nang mapatunayan na guilty sa kasong graft.

Ang mga hinatulan ay si dating Amulung Mayor Nicanor De Leon at misis nitong si Pacita De Leon, matapos mapatunayan ng Sandiganbayan na sila ay lumabag sa maling paggastos sa pondo  ng gobyerno.

Ibinasura ng Supreme Court ang apela ng mag-asawa at pinatotohanan ang ruling ng Sandiganbayan.

Ang kaso ay nagsimula sa mga transactions sangkot ang municipal funds noong kapanahunan ni De Leon bilang mayor.

Ang mag-asawang De Leon ay inilagak na sa New Bilibid Prison at Correctional Institution para pagdusaan ang kanilang sentensiya.