Australia isusunod ng Gilas Boys

MANILA, Philippines — Puntirya ng Gilas Pilipinas Boys ang top seeding sa Group A sa pagharap sa Australia sa 2026 FIBA U18 Asian Championships sa Veer Savarkar Stadium sa Ahmedabad, India.

Nakatakda ang duwelo ngayong ala-1 ng hapon.

Nakatakas ang Gilas Boys sa Chinese Taipei, 89-88, habang minasaker ng Australia ang Thailand, 102-32, sa pagsisimula ng kanilang mga kampanya.

Muling sasandigan ni coach Juno Sauler si Ethan Aguas, tumipa ng game-winning basket laban sa Chinese Taipei, kasama sina Jan Cagurungan, Prince Carino at Chog Moral.

Si seven-footer Yahya Basaran ang aasahan na­man ng mga Aussies.

May 1-0 record din ang New Zealand at Bahrain sa Group B matapos biguin ang Syria, 67-58, at Lebanon, 74-68, ayon sa pagkakasunod.