Higit 700 toneladang basura nahakot ng MMDA
MANILA, Philippines — Mahigit sa 700 tonelada ng basura ang nahakot ng mga tauhan ng Metro Manila Development Authority (MMDA) isinagawang cleanup drive sa Redemptorist Water Channel sa Baclaran, Parañaque City, mula Agosto 10 hanggang Agosto 13.
Nabatid na umabot sa 203 truck ng basura na katumbas ng 2,246.6 cubic meters ng basura o 748.87 metriko tonelada ang nahakot.
Bukod sa mga tauhan ng MMDA, katuwang din sa clearing operations ang Department of Public Works and Highways (DPWH), Bureau of Fire Protection (BFP) Department of Environment and Natural Resources (DENR), ang pamahalaang lungsod ng Parañaque, at DOLE-TUPAD (Tulong Panghanapbuhay sa Ating Disadvantaged/Displaced Workers).
Noong Miyerkules, Agosto 12, nang masaksihan mismo ang tila dagat ng basura ni Pangulong Ferdinand R. Marcos Jr. kasama si DPWH Secretary Vince Dizon at iba pang opisyal.
Nauna nang inilarawan ni DPWH Secretary Vince Dizon ang matinding pagtambak ng basura bilang isang “garbage crisis,” at idinagdag na lumawak na ang problema.
Nagmumula umano ang basura hindi lamang sa loob, kundi maging sa labas na ng Metro Manila na kapansin-pansin ang mga hindi natutunaw at nabubulok katulad ng mga plastic at styrofoam.
- Latest
