Makahuloganon nga birthday

CEBU, Philippines —  Sayo  nga gisaulog sa aktres nga si Marian Rivera ang iyang birthday pinaagi sa paggahin og panahon uban sa mga bata nga benepisyaryo sa Smile Train Philippines.Alang kang Marian, usa kini sa labing makahuluganon nga paagi sa pagsaulog sa iyang laing tuig sa kinabuhi. “Year after year, their smiles remind me why this will always be one of the most meaningful ways to celebrate. My heart is full. Always,” social media post  ni Marian.

Kontrabida role

Usa ka dakong hagit alang kang Rocco Nacino ang iyang pagdala  isip kontrabida sa umaabot nga Kapuso action-drama series nga “Hari ng Tondo.” Suma pa sa aktor nga lahi ug makapakurat ang iyang karakter sa maong serye, busa gipaabot  nga matingala ang viewers .Naandan na na kaniadto nga boutan ang iyang papel sa nangagi niya nga mga proyekto.Si Enzo Williams ang direktor sa  “Hari ng Tondo” ug nalakip usab niini sila Dennis Trillo, Ruru Madrid, Ryza Cenon, Arra San Agustin, Gary Estrada, Victor Neri, Nonie Buencamino, Isko Moreno, ug Heath Jornales.

Supportive father

Suportado sa Kapuso actor nga si Dennis Trillo ang pangandoy sa iyang kinamaguwangan  nga anak nga si Calix Andreas Ho nga mosulod sa kalibotan sa showbiz.Gawas sa pagtabang ug paggiya isip amahan, andam usab si Dennis nga mo-workshop mismo kang Calix kung moabot na ang panahon nga mosulod kini sa showbiz.