International beauty queens mirampa sa Cebu

CEBU, Philippines —  Imbes nga Boracay ang ilang unang destinasyon, sa Cebu nitikang  ang upat ka international beauty queens alang sa pagpahigayon og outreach programs  kagahapon .

Nipadangat og hinabang kngadto sa mga bata nga gikan sa kabos nga pamilya  sila

 Angela Aumonier (Miss Universe Great Britain 2026), Pooja Ghodekar, (Miss Grand United Kingdom 2026), Vanessa Naddamba (Sisterhood Ambassador 2026) ug Ellie Corcoran (Miss Wales 2026).

Gikatakdang moadto unta sila sa Boracay apan nakanselar ang ilang flight tungod sa naglain nga panahon , hinungdan nga nausab ang ilang  padulngan ug nilarga dayon sila  sa Cebu.

Alang  kang Angela, espesyal usab ang iyang pagbalik sa Cebu tungod sa iyang kaugalingong pageant journey dinhi. Siya ang Miss Mandaue 2024 1st Runner-Up ug misunod niini ang iyang pagkadaog isip Miss Cebu 2025 1st Runner-Up, sa wala pa siya napili isip Miss Universe Great Britain 2026.

Isip Miss Universe Great Britain 2026, si Angela ang magrepresentar sa Great Britain sa umaabot nga Miss Universe pageant, nga naghatag kaniya og higayon nga madala sa international stage ang iyang kasinatian ug mga leksyon nga iyang nakuha sa Cebu pageantry.

Bisan pa sa kalit nga pagbag-o sa ilang travel plans, wala nila palabya  ang higayon nga makigkita sa mga Cebuano ug mahimong kabahin sa mga outreach programs nga nagtumong sa paghatag og tabang ug pagtuman  sa ilang adbokasiya .

Dili lamang ang titulo maoy ilang gipalabi , kondili usa usab kini ka higayon alang sa mga beauty queens nga  makig-uban sa komunidad ug makahatag og positibong mensahe pinaagi sa ilang gimugna nga mga  kalihokan.

Nagmalaumon usab si Angela nga makadawat og mainiton nga suporta sa mga Pinoy alang sa umaabot nga  Miss Universe .