Vice kinokonek...MVP, may pasabog na announcement!
Bulung-bulungan kahapon ang special announcement na magaganap ngayong araw ni Mr. Manny Pangilinan, Chairman ng MediaQuest Holdings.
May hulang i-a-announce na nito ang tungkol sa acquisition niya sa ABS-CBN, pero mas malakas ang usapan na ipapakilala nito si Vice Ganda bilang ambassador ng kanyang mga kumpanya.
Walang ibang information na ibinigay ang nag-i-invite pero malalaman natin ‘yan ngayong hapon.
Anyway, nauna nang nabanggit ni TV5 President at CEO Guido Zaballero na isang taon ang effectivity ng partnership ng TV5 at ABS-CBN.
“Ang masasabi ko lang ay that we have a partnership existing with ABS-CBN. They carry some of our shows, we carry some of their shows. ‘Yun po muna ang partnership namin with ABS. So parang pinu-fuse namin ang ibat ibang programa on our grids,” aniya nang kulitin sa ginanap na Tara, Kapatid! midyear media and trade celebration ng TV5 last week tungkol nga sa pagpasok as investor ni MVP sa ABS-CBN.
At tuluy-tuloy raw ang pag-uusap nila para mas ma-improve pa ang relasyon ng dalawang istasyon.
At ang tantiya Mr. Zaballero, mas maganda na ang performance ng TV5 ngayon. “Nakita n’yo naman earlier this year we launched our two original shows, A Secret in Prague and My Bespren Emman. That, in itself, already gave TV5 more traction. It’s proven also that meron ding loyal audience ang TV5. Ngayon, we’ve been able to share some between ABS and TV5. That has, in fact, improved the performance of TV5, especially sa reach ng mga Filipino audience,” banggit pa niya.
Very upbeat nga raw ang approach ng Kapatid station sa negosyo dahil kung hindi, aniya, “we wouldn’t be doing this if we didn’t see that there’s a... And we’d like to end that on a very positive note.”
- Latest
