Legendary NBA player ug coach Don Nelson mipanaw na

CEBU, Philippines — Ang legendary NBA player ug coach nga si Don Nelson mataliwan na ngadto sa laing kalibutan kagahapong adlawa.

Nag-edad siya og 86 anyos.

Si Nelson maoy ikaduhang labing daogan nga coach sa kasaysayan sa NBA.

Miposte siya og 1,335 ka daog sa iyang panahon isip coach sa Golden State Warriors, Milwaukee Bucks, New York Knicks ug Dallas Mavericks gikan sa 1976 ngadto sa 2010.

Nagbarog kini nga usa ka NBA rekord hangtud nga nalabyan siya ni coach Gregg Popovich sa San Antonio Spurs niadtong 2022.

Isip usa ka player, si Nelson nakasakmit og lima ka kampiyonato uban sa Boston Celtics diin siya miduwa sud sa usa ka dekada gikan sa 1966 ngadto sa 1976. Si Nelson gipasidunggan sa Basketball Hall of Fame niadtong 2012.

Wala siya makaabot sa NBA Finals isip coach apan mahinumduman siya nga usa ka makasaysayanong personalidad sa natad sa coaching.