Hubog nagbinastos, gipapriso
CEBU, Philippines — Sikop sa kapulisan ang usa ka 50-anyos nga biyudo human moreklamo ang usa ka 19-anyos nga estudyante nga giingong gihasolan sa iya tungod sa pagsige og binastos sa iyaha diha sa Sitio Eskwelahan, Barangay Buhisan, Cebu City, niadtong Sabado, Agosto 8, 2026.
Ang suspek giila sa alyas nga “James,” residente usab sa maong lugar. Sumala sa Labangon Police Station, padulong na sa ilang balay ang biktima gikan sa eskwelahan dihang iyang nakita ang suspek nga naghigda sa daplin sa dalan ug giingong nakainom. Sa pag-agi sa biktima, giingong gibinastosan siya og estorya sa suspek ug gigunitan ang iyang tiil. Nakalugnot ang biktima ug nakasumbong sa ginikanan hinungdan sa pagpadakop sa suspek
Giandam na ang kaso batok sa suspek tungod sa paglapas sa Republic Act No. 11313 o Safe Spaces Act, nga nailhan usab nga Anti-Bastos Law. (BANAT NEWS)
- Latest
