Konnichiwa, Asiad!
Almost three weeks pa ang buildup ng mga elite netters para sa last Grand Slam sa taong ito.
Syempre, kasama si Alex Eala na nakatuon ang pansin sa US Open sa New York, Aug. 30-Sept. 13.
At pagkatapos noon, haharapin ni Eala ang balancing act o pagbabalanse ng schedule dahil nakatakda ang tennis sa 2026 Asian Games Sept. 27-Oct. 3. Sapol ang ilang tournaments sa WTA Asian swing.
Kasama rito ang WTA500 Singapore Open (Sept. 21-27), WTA 500 Korea Open (Sept. 21-27) at WTA1000 China Open (Sept. 30-11).
Pero naniniwala akong pahahalagahan ni Eala ang pagbitbit ng Philippine flag sa Asian Games, lalo na’t may nakatayang automatic Olympic spot dito.
May unfinished business siya sa Asiad dahil natalo siya sa semifinals sa ladies singles at mixed doubles (kasama si Francis Alcantara) sa 2023 Hangzhou. Nag-settle siya sa dalawang bronze medals.
Hininto niya ang matagal na medal drought ng Pilipinas sa Asiad tennis, pero siguradong nais ni Eala na makuha ang ultimate glory bilang Asian champ.
Umaasa ang maraming makuha niya ito sa Aichi-Nagoya Asiad.
Ilalaro ang 2026 Asiad tennis sa Higashiyama Park Tennis Center na may hard court surface.
Nakikitang preferred surface ni Eala ang hard court, kung saan nakapagtala siya ng historic seven-match win run at nakapagbigay sa kanya ng kaunahang WTA Tour title (Mubadala DC Open) at Top 20 world ranking.
Konnichiwa, Asiad! Eala is coming!
- Latest
