Gilas Girls target ang Last 16 vs Peru
MANILA, Philippines — Pakay ng Alas Pilipinas na makapasok sa Last 16 pagkatapos ng preliminary round kaya walang ibang nasa kukote nila kundi ang pagpagin ang tigasing Peru pagharap nila sa FIVB Volleyball Girls U17 World Championship na lalaruin sa San Felipe, Chile ngayong araw.
Malaki ang tsansa ng No. 25 Alas Girls na makausad sa susunod na phase matapos magtala ng dalawang panalo para ilista ang 2-1 karta at upuan ang second spot sa Pool B.
Solo sa unahan ng nasabing Pool ang defending champion China nasa pangalawa ang Alas Girls kung saan ang top four teams sa bawat group ay sasampa sa Round of 16.
Suportado ng Philippine Olympic Committee, Philippine Sports Commission at Asics ang kampanya ng Alas Girls na yumuko sa kanilang unang laro kontra World’s No. 1 China bago pumalo ng panalo sa liyamadong Mexico at Tunisia.
Paniguradong sasandalan ng Alas Pilipinas Girls sina Caera Celis, Xyz Rayco at Sharina Rhyza Lleses para makabingwit pa sila ng panalo.
- Latest
