Away sa parking, usa patay

CEBU, Philippines — Patay ang usa ka 42-anyos nga parking attendant human giingong gidunggab sa usa ka habal-habal driver atol sa panaglalis may kalabotan sa parking sa Belgium Street, Barangay Suba, Cebu City, sayo sa buntag niadtong Domingo, Agosto 9, 2026.

Ang biktima giila nga si alyas Ralph , 42, ug residente sa Barangay Suba, Cebu City.

Ang suspek giila nga sialyas “Callman,” 43, habal-habal driver ug residente sa Barangay Sawang Calero, Cebu City.

Sumala sa inisyal nga imbestigasyon sa kapulisan, nahitabo ang insidente alas-2:00 sa kaadlawon samtang naglalis ang biktima ug suspek tungod sa isyu sa parking sa maong lugar. Atol sa panaglalis, giingong gidunggab sa suspek ang biktima gamit ang kutsilyo Gidala dayon si Ralph sa Cebu City Medical Center (CCMC) alang sa pagtambal apan giingong nakabsan kini sa iyang kinabuhi.

Human sa insidente, daling midibat ang suspek sa maong lugar ug misulay sa pagikyas.

Dali dayon mipahigayon og hot-pursuit operation sa mga responding police personnel nga gipangulohan ni P/Major Noah Labra Añana, OIC sa Police Station 6, Cebu City Police Office (CCPO).

Alas-1:40 sa hapon niadtong Agosto 9, nadakpan ang suspek sa Block 5, Barangay Sawang Calero, Cebu City.

Gikustodiya na sa kapulisan ang suspek alang sa , samtang giandam ang pagsang-at sa kaso nga homicide batok kaniya. Padayon ang imbestigasyon sa kapulisan aron matino ang tibuok detalye ug motibo sa insidente. — /IBM (BANAT NEWS)