3 katao sa Batangas nasawi sa habagat

MANILA, Philippines — Tatlo katao sa Batangas ang nasawi sanhi ng malalakas na pag-ulan at pagbaha dulot ng pananalasa ng habagat.

Sa report ni Batangas Provincial Disaster Risk Reduction and Management Office (PDRRMO) Chief Fe Fernandez nitong Linggo ng hapon, kabilang sa mga nasawi ay isang lalaking nakuryente sa paglalakad sa tubig baha sa Lipa City; nalunod sa Brgy. San Jose Sico, Batangas City at isa ay nalibing nang buhay sa landslide sa Brgy. Kalumala, Sta. Teresita.

Nasa 15 barangays sa Lipa City na kinabibilangan ng Balintawak, Banay-Banay, Inosluban, Marawoy, at Tambo ang pinakagrabeng naapektuhan habang nasa 229 namang pamilya ang inilikas.