Alden mituki sa  kahimtang sa mga eskwelahan

CEBU, Philippines — Gibisita ni Alden Richards ang lain-laing eskwelahan sa Pilipinas  ug nakita ang mga nag-unang problema niini ilabi na sa mga pasilidad.

Ang pagsuta ni Alden sa kahimtang sa mga eskwelahan kay makita karong  Sabado, Agosto 8, alas-9:30 sa gabii sa GMA, alang sa dokumentaryo  nga  “Rebuilding Broken Rooms: A GMA Public Affairs Education Special.”

Lakip sa iyang gibisita  ang Tinungkaan Elementary School sa Sarangani,  Rosauro Almario Elementary School sa Tondo, Manila, ug ang mga eskwelahan sa Naic, Cavite.

Tumong sa dokumentaryo nga ipakita ang tinuod nga kahimtang sa mga tunghaan ug mahimong panawagan alang sa aksyon.

“Gusto kong magamit 'yung boses na meron ako para maipalaganap 'yung mensahe na kailangan marinig ng sambayanan. Gusto ko maging part nung advocacy para mamulat natin 'yung mga tao sa kung ano ba talaga 'yung sitwasyon ngayon," ni Alden pa.

Jupiter Music Awards 2026: Belle nominado sa duha ka kategorya

Bisan sa ka busy sa pag-arte atubangan sa kamera, wala gyud napasagdan ni Belle Mariano ang iyang music career.

Gikatahong  nominado si Belle sa Jupiter Music Awards 2026 sa duha ka kategorya, kini ang Female Artist of the Year ug Most Influential Southeast Asian Artist–Female.

Alang kang Belle, usa na ka dakong dungog ang pagbaton  og nominasyon sa usa ka music awards.

Aiko mipalag sa isyu

Napungot si Aiko Melendez sa gibato nga intriga sa iyang bashers nga matud pa kamatyonon na siya.

Giawhag niya ang mga tawo  nga kinahanglan nga susihon daan ang masagap nga istorya sa dili pa mosabwag og impormasyon.

Matud pa niya nga kung masakit ang tawo, wala nagpasabot nga kamatyonon kini.

Ang iyang uyab nga si Onemig Bondoc kay nitambag sa bashers sa iyang hinigugma nga mas maayo nga mohilom na lang.