CESAFI mopahigayon og Basic Life Support training

CEBU, Philippines — Agi'g preparasyon alang sa 2026–2027 Cebu Schools Athletic Foundation, Inc. season ug kabahin sa ilang tinguha nga i-promoet ang kahimsog, kaluwasan, ug kaayohan sa mga estudyanteng atleta, ang CESAFI mopasiugda og Basic Life Support (BLS) Training karong Sabado, Agosto 8, sa University of the Visayas (UV)-Main Campus.

Si CESAFI Commissioner Felix "Boy" Tiuklinhoy Jr. nagkanayon nga ang maong pagbansay-bansay gituyo aron  nagtumong sa paghatag sa mga coach, estudyanteng-atleta, ug reperi og mahinungdanong kahibalo sa pagluwas sa kinabuhi ug praktikal nga mga kahanas sa pagtubag sa atake sa kasingkasing ug uban pang mga medikal nga emerhensya nga mahimong mahitabo samtang nag-training ug sa mga kompetisyon.

"By enhancing emergency preparedness, we strengthen our collective responsibility to provide a safer sporting environment for all participants," matud pa ni Tiukinhoy.

"This initiative supports the implementation of Republic Act No. 11462, otherwise known as the Student-Athletes Protection Act (Samboy Lim Law), which mandates enhanced health and safety measures and emergency preparedness for student-athletes," dugang pa niya.

Ang Philippine Heart Association–Cebu Chapter maoy mopahigayon sa BLS training. Dugang niini, ang grupo mohatag sab og libreng Electrocardiogram (ECG) screening sa mga esdutanyeng atleta aron madetermina ang pisikal nilang kondisyon ilabi na sa ilang kasingkasing.

Si Tiukinhoy miawhag sa tanang mga miyembro nga tunghaan sa liga nga mopadala og representante ning mahinungdanong kalihukan.

"Your cooperation and active participation are greatly appreciated as we continue to uphold the highest standards of athlete health, safety, and emergency preparedness within the CESAFI community," dason pa ni Tiukinhoy.