SPD, tinanghal na best District in Community Relations!

Umani ng pogi points si Southern Police District director Brig. Gen. Glenn Oliver Cinco matapos hirangin ang kanyang command bilang Outstanding Police District in Police Community Affairs and Development (PCAD) ng NCRPO. Itong award mga kosa ay iginawad sa PNP units sa pagselebra ng 31st Police Community Relations na ginanap nitong Hulyo 31. Siyempre, hindi lang naman sariling kayod ito ni Cinco. Kaya’t binigyan papuri ni Cinco, hindi lang ang District Community Affairs and Development Division (DCADD) sa pamumuno ni Col. Samuel Pabonita, kundi maging ang sama-samang kasipagan at pagkilos ng personnel ng pulisya ng mga siyudad ng Makati, Parañaque, Muntinlupa, Taguig, Pasay at Pateros. Ayon kay Cinco ang kabuuang pagkilos ng kanyang mga tauhan ang malaking naitulong upang makamtan ng kanyang liderato ang naturang “remarkable achievement.” Purbidang yawaahhhhh! Anong sey n’yo mga kosa? Hehehe! Kelangan pa bang i-memorize ‘yan?

Ang katangi-tanging award ay nasungkit ng liderato ni Cinco bunga sa inisyatibo ng SPD sa epektibo at mahigpit na pagpatupad ng community engagement programs, pagpuksa ng krimen, at sama-samang pagkilos ng pulisya ng mga siyudad sa southern Metro Manila. Siyempre, binigyan kredito rin ni Cinco ang malaking tulong ng LGUs, partner agencies sa gobyerno, komunidad at iba’t-iba pang stakeholders. Tinanggap ni Cinco ang award mula kay NCRPO director Maj. Gen. Anthony Aberin sa NCRPO Hinirang Multi-Purpose Hall sa Camp Bagong Diwa sa Bicutan, Taguig City. Ang theme ng selebrasyon ay “Sa Bagong Pilipinas, Ugnayang Pulis at Mamamayan, Tapat, Maasahan, at Nararamdaman ng Bayan.” Sanamagan! Get’s n’yo mga kosa? Hehehe! Kanya-kanyang gimik lang ‘yan!

“The award is a testament to the dedication and professionalism of every personnel, whose leadership in community relations programs has significantly contributed to building public trust and fostering stronger partnerships between the police and the communities they serve,” ani Cinco. Siyempre, binigyan kredito rin ni Cinco ang DCADD, ang police stations sa ilalim ng SPD, at iba’t-ibang stakeholders bunga sa kanilang dedikasyo at teamwork na nagbunga sa recognition na kanilang nakamtan. “Let this recognition inspire us to further strengthen our partnership with the community and continue delivering police service that is tapat, maaasahan, at tunay na nararamdaman ng bayan,” ang pagtatapos ni Cinco. Abangan!