Magkapatid todas sa tipak ng bato!
MANILA, Philippines — Patay ang magkapatid na babae at lalaki nang mabagsakan ng mga tipak ng bato ang kanilang kubo sa gitna ng kanilang pagluluto ng pananghalian sa Sitio Wawa, Barangay San Rafael, Rodriguez, Rizal, nitong Miyerkules.
Ayon sa ulat, ang magkapatid na isang 22-anyos na babae at 23-anyos na lalaki, na kagyat na nasawi dahil sa mga tinamong pinsala.
Kinumpirma ni Rodriguez Municipal Police Station chief, Police Lieutenant Colonel Arwyn Gaffud, na tanghali nang rumagasa ang mga bato at dirtesong mabagsakan ang bahay na tindahan din ng pamilya ng mga biktima.
May kalakihang mga bato umano ang bumagsak na ikinasawi ng dalawang biktima alas-12:10 ng tanghali sa Sitio Wawa na isang isolated umanong lugar o malayo sa nakararaming kabahayan sa paanan ng bundok.
Patuloy pa ang isinasagawang imbestigasyon at assessment sa lugar upang matukoy kung hindi na dapat pang tumira ang residente sa naturang lugar na posibleng maging biktima ng muling pagguho ng lupa dahil sa patuloy na mga pag-ulan at bagyo.
- Latest
