“The Chambermaid’s Daughter” Season 2, nag-una sa iWANT PH

CEBU, Philippines — Naglawig  ang Season 2 sa “The Chambermaid’s Daughter” nila Alexa Ilacad ug Gelo Rivera human kini nag-una  sa most-watched charts sa iWant sa Pilipinas ug nahimong ikaduha sa nagkalain-laing nasud sukad sa premiere niini niadtong Hulyo 30.

Gidumala ni Direk  Theodore Boborol ang maong  vertical romance series nga  nakakuha usab og atensyon sa netizens  human nakasulod  sa top-trending topics sa X ang “IWANT GELEX TCD 2” ug “GELEX TCD2iWant TopONE.”

Makita na sa iWant ang Part 1 sa “The Chambermaid’s Daughter” Season 2, samtang i-release  ang Part 2 niini karong  Agosto 14.

Plume dunay bag-ong single nga “ikot”

Gisusi sa Baguio-based singer nga si Plume  pinaagi iyang bag-ong awit nga “Ikot” ang pangutana kung nganong  usahay ang relasyon matapos bisan walay nakasala.

Ang maong awit kay ubos sa AltG Records.

Ang kanta nagtuki sa mga pagbati tali sa mga maayong handumanan, panahon ug bittersweet nga panamilit. Mensahe niini nga usahay dili sala sa usa ka tawo ang hinungdan sa panagbulag, kundili mahimong kapalaran lamang nga dili na sila gitakda nga magpadayon.

Nakuha ni Plume ang inspirasyon sa kanta gikan sa usa ka lawom nga panaghisgot nila sa iyang girlfriend.

“Ang inspiration was a conversation between me and my girlfriend: ‘If you were to disappear the next day, how would you tell the other person?’” matud ni Plume.

Madungog ang “Ikot” sa nagkalaing -laing digital music platforms sa Pilipinas.