Pagdating... ni Ice, may tour sa Australia

Magsisimula ang 25th anniversary ng Pagdating ng Panahon World Tour sa Australia sa Agosto 29, kung saan dadalhin ni Ice Seguerra ang selebrasyon ng iconic song niya sa apat na lungsod — Sydney, Canberra, Melbourne at Adelaide — hanggang Setyembre 5.

Kasunod ito ng Manila concert niya sa Aug. 22.

Sa ilalim ng Fire & Ice Live, ito ay sa pakikipagtulungan ng E-Talent International Group at Cheers Entertainment Australia.

Inilabas noong 2001, ang Pagdating ng Panahon ay naging isa sa mga naging paborito ng henerasyon na ‘yun, na kalaunan ay nakakuha ng pagkilala kabilang ang mga parangal ng Song of the Year at malakas na pag-ikot sa FM radio sa bansa.

Hanggang naging soundtrack ito ng buhay maraming Pilipino sa loob at labas ng bansa.

At last April, inilabas ng Vicor Music Corporation ang bagong version ng kanta, na muling ipinakilala sa isang bagong henerasyon habang binibigyan ang mga tagapakinig ng pagkakataong marinig itong muli pagtapos ng 25 years,

Ang tour sa Australia ay kasabay na rin sa nostalgia era sa live entertainment sa Pilipinas at maging sa ibang bansa.

“Recording ‘Pagdating ng Panahon’ 25 years ago was already special, but I never imagined how deeply it would become part of people’s lives,” say ni Ice kamakailan. “The meaning of the song changes as you grow. Now, after everything life has taught me, the emotions feel deeper and more layered.”

Narito ang schedule at venue ng kanyang tour sa Australia:

Sydney — Saturday, Aug. 29, 2026 — Norwest Hub, 1 Solent Circuit, Norwest NSW

- Canberra — Sunday, Aug. 30, 2026 — Fitzroy Pavilion, Exhibition Park in Canberra, Mitchell ACT

- Melbourne — Friday, Sept. 4, 2026 — Encore Events Centre, Hoppers Crossing

- Adelaide — Saturday, Sept. 5, 2026 — Hewitson Theatre at Starplex

Tickets for each city are available now through Eventbrite Australia.