Golden Tigresses swak sa Finals

MANILA, Philippines — Dumiretso ang University of Santo Tomas sa championship round ng 2026 Shakey’s Collegiate National Invitatio­nals matapos ang 25-10, 25-19, 25-12 demolisyon sa Colegio de San Juan de Letran sa knockout semifinals kahapon sa Ninoy Aquino Stadium sa Malate, Manila.

Ito ang ikaanim na sunod na ratsada ng Golden Tigresses papasok sa ‘winner-take-all’ finals bukas sa Playtime FilOil Arena sa San Juan City.

Bumira si team captain Regina Jurado ng 12 points para pamunuan ang España-based squad na pinulbos ang Lady Knights ng 32 kills.

“Gusto namin magpatuloy ‘yung success ng UST dito,” ani Jurado sa Junior Tigresses nagreyna sa Shakey’s Girls Volleyball Invitational League Rising Stars Cup at sa Juniors National Invitationals.

Umiskor si Marga Altea ng 13 points, habang may 10 markers si Poyos sa torneong suportado ng Shakey’s Pizza Parlor, Peri-Peri Charcoal C­hicken, Potato Corner at R and B Milk Tea.

Sa isa pang semis match, sasagupa ang College of Saint Benilde sa UST sa finals matapos ma­naig sa Australian guest team Southern Storm Melbourne, 25-19, 25-23, 25-11.

Samantala, tinalo ng Enderun Colleges ang Vietnamese guest team Ho Chi Minh City Volleyball Club, 25-19, 25-17, 25-19, para tumapos sa 5th place sa classification round ng event na itinataguyod din ng Jetour, Baic, Eurotel, Victory Liner Rent & Go, Summit Na­tural Drinking Water, PusoP.com at Smart Sports.