Letran iginiya ni Abayon sa semis
MANILA, Philippines — Bumira si Reeza Abayon ng 17 points mula sa 15 kills at dalawang service aces para gabayan ang Colegio de San Juan de Letran sa 21-25,25-21, 25-14, 14-25, 15-4 pagtakas sa Enderun Colleges papasok sa Final Four ng 2026 Shakey’s Collegiate National Invitationals kahapon sa Ninoy Aquino Stadium sa Malate, Manila.
Nagdagdag si Joralyn Panangin ng 15 markers at may 14 points si Judiel Nitura para sa 2-3 baraha ng Lady Knights at kumpletuhin ang FinalFour ng torneong suportado ng Shakey’s Pizza Parlor, Peri-Peri Charcoal Chicken, Potato Corner at R and B Milk Tea.
Bagsak ang Lady Titans sa 1-4 baraha.
Haharapin ng Letran ang top-seeded University of Santo Tomas sa knockout semifinals ngayong hapon.
Maglalaban ang College of Saint Benilde at Australian guest teamSouthern Storm Melbourne sa isa pang semis match sa event na itinataguyod din ng Jetour, Baic, Eurotel, Victory Liner Rent & Go, F2Logistics, Summit Natural Drinking Water, PusoP.com at Smart Sports.
Humataw si Althea Botor ng game-high 24 points mula sa 18 kills, tatlong kill blocks at tatlong aces sa panig ng Enderun.
Nag-ambag si Aurea Alvero ng 14 markers para sa Lady Titans at may walo at pitong marka sina Jasmine Salvani at Ederlyn Alba, ayon sa pagkakasunod.
- Latest
