Walang loyalty check sa AFP - Palasyo

MANILA, Philippines — Hindi umano magkakaroon ng loyalty check si Pangulong Ferdinand Marcos Jr. sa mga aktibong sundalo sa gitna na naging pahayag ni National Bureau of Investigation (NBI) Director Melvin Matibag sa impeachment trial na may mga aktibong sundalo ang kabilang sa mga persons of interest sa umanoy papatay sa pangulo.

Sinabi ni Palace Press Officer Atty. Claire Castro na naibigay na ang nasabing impormasyon sa Pangulo at naibigay na rin ito sa security ng presidente.

Nilinaw naman ni Castro na nadoon pa rin ang tiwala ni Pangulong Marcos sa kasundaluhan at sakaling mayroon mang mga magiging tiwalag sa kanilang mandato ay dapat malaman kung sino ito para sa proteksyon ng punong ehekutibo.

Giit pa ni Castro na sa ngayon ay alam ng ­Pangulo kung sino ang mga kailangang pagkatiwalaan kaya hindi magkakaroon ng loyalty check dahl nasa security at nasa pamumuno na ito ng kasundaluhan.