Phoenix padayong nanginit

CEBU, Philippines — Sila si Robert Johnson ug Ricci Rivero mikuha og atensiyon sa dihang ang Phoenix Super LPG Fuel Masters nakapisot sa Barangay Ginebra Gin Kings,  81-78, aron pagpabiling way pildi sa PBA Season 50 Governors' Cup niadtong Domingo, Hulyo 19, didto sa Smart Araneta Coliseum.

Si Johnson mipupo og 23 puntos ug 11 ka rebounds samtang si Rivero mitali og 16 puntos ug siyam ka rebounds aron bitaron ang Phoenix sa solong liderato sa Group B uban ang perpektong 3-0 rekord. Sila si Kai Ballungay ug Jason Perkins nagkumboya'g 22 puntos alang sa Fuel Masters, nga nakabawos sa team nga mitagak kanila sa quarterfinals sa miaging Commissioner’s Cup.

Ang import sa Ginebra nga si Riley Grigsby mihimo og impresyon uban ang 42 puntos ug 13 ka  rebounds, ugaling lang kay sa pildirong kawsa.