Sakop sa PN gipusposan sa Chinese Coastguard
CEBU, Philippines — Usa ka sakop sa Philippine Navy ang naangol sa Ayungin (Second Thomas) Shoal human kini gipusposan sa mga sakop sa China Coast Guard sumala pa sa Armed Forces of the Philippines kagahapon, Lunes, Hulyo 20.
Ang komprontasyon nahitabo sa dagat duol sa BRP Sierra Madre, ang gisangad nga barko sa PN nga nagsilbing outpost karon diha sa West Philippine Sea.
Sumala pa sa AFP ang mga China Coast Guard personnel nga sakay sa ilang fiber glass speed boat agresibo ug bayolenteng niatake sa mga Pilipinong sakay sa ilang rigid hull inflatable boat (RHIB).
Apan bisan pa ani, magpadayon ang AFP sa pagbuhat sa ilang misyon sa West Philippine Sea bisan pa aning patraydor nga illegal nga mga gipangbuhat sa China.
Gikondenar sa AFP ang maong bag-ong pag-atake nga gihulagway nga parte sa mas lapad nga pattern sa pagpangharas sa China diha sa Ayungin Shoal.
Ang National Security Council nikondenar niini ug gihulagway nga "violent and unlawful."
"Against the backdrop of the PRC's circumvention of international law, particularly the United Nations Convention on the Law of the Sea, and disregard of the final and binding 2016 Arbitral Tribunal Ruling on the South China Sea, their actions further justify the Department's position of disengagement," sumala pa sa DND.
"We simply cannot trust this belligerent neighbor," dugang pa niini. (BANAT NEWS)
- Latest
