NLEX nakaipsot sa Terrafirma, coach Jimmy 2-0 na

CEBU, Philippines — Ang NLEX Road Warriors nakalingkawas batok sa Terrafirma Dyip, 101-100, alang sa ikaduha nilang sagunson nga daog sa PBA Season 50 Governors Cup niadtong Domingo didto sa Ynares Center-Montalban.

Mikolapso ang NLEX human milabaw og 23 puntos, 90-67, kay gilampaso sila si Dyip, 33-11, sa katapusang kuwarter.

Luyo sa paningkamot nilang Maverick Ahanmisi, Juami Tongson ug Justin Strings, ang Dyip nakasikit ngadto sa usa na lang ka lugaw, 100-101, sa pinal nga 42.7 segundos.

Nakuha pa sa mga batos ni coach Ronald Tubid ang bola sa katapusang 10 segundos human sila si Robert Bolick ug Xyrus Torres nangasipyat sa ilang tira.

Duna untay tsansa ang Dyip nga modaog apan wala masud ang dinalian nga 3-pointer sa import nilang si Strings.

Bisan og namugnaw sa second half, si DeQuan Jones mao gihapon ang nangu sa NLEX uban ang 30 puntos, pito ka rebounds, upat ka assists ug tulo ka blocks. Si Schonny Winston midugang og 13 puntos samtang si Robert Bolick miamot og 12 puntos ug pito ka assists.

Sa laing bahin, ang import sa Converge nga si Jalen Hudson wala kaayo paningta sa dihang gilampornas sa

FiberXers ang Titan Utra, 105-74.

Si Hudson miduwa sud lamang sa 24 minutos apan impresibong mga numero nga iyang gisumite uban ang 20 puntos, walo ka rebounds, upat ka assists, ug upat ka steals.

Ang Giant Risers mitikang sa korte nga wala gihapoy import kay si James Milton nagpaabot pa sa iyang FIBA clearance aron makaduwa sa PBA.