SJI-Bacolod inakay ni Celis sa ika-2 dikit
MANILA, Philippines — Pinalo ng St. John’s Institute-Bacolod ang pangalawang sunod na panalo matapos nilang walisin ang Pusong Azul, 25-20, 25-17 sa 2026 Shakey’s Juniors National Invitationals na nilaro sa Playtime FilOil Arena sa San Juan kahapon.
Ipinakita ni Caera Celis ang kanyang tikas matapos nitong ilista ang 16 points mula sa 12 kills, tatlong service aces at isang block para tulungan ang SJI-Bacolod sa pagrehistro ng 2-0 karta.
Para kay Celis, mas maganda ang naging laro nila ngayon kumpara sa una nilang panalo nang payukuin ang One La Salle sa opening day ng tournament na suportado ng Shakey’s Pizza Parlor, Peri-Peri Charcoal Chicken, Potato Corner, at R and B Milk Tea.
Tabla ang iskor sa 5-5 sa kaagahan ng second set pero biglang lumiyab ang SJI-Bacolod para hawakan ang 23-13 lead para tapusin ang laban sa loob ng 57 minuto sa event na katuwang ang Jetour, Baic, Eurotel, Victory Liner Rent & Go, F2 Logistics, Summit Natural Drinking Water, PusoP.com at Smart Sports.
Ang lahat ng laro na pinadrinuhan ng Philippine Sports Commission, Commission on Higher Education, Mikasa, Asics, Rigour Technology at Team Rebel Sports ay mapapanood sa live and on-demand via PusoP.com livestream at Solar Sports.
Samantala, nirehistro ng One La Salle ang unang panalo matapos nilang pagpagin ang California-based guest team Perfect Set Dream Makers, 25-19, 25-17, para ipinta ang 1-1 record.
- Latest
