Grade 12 nga tinun-an sikop sa drug bust

CEBU, Philippines — Usa ka Grade 12 nga tinun-an ang nadakpan atol sa buy-bust operation nga gipahigayon sa Philippine Drug Enforcement Agency Regional Office 7 (PDEA-7) sa Sitio Palma, Barangay San Roque, Cebu City, alas-1:40 Martes  sa hapon.

Ang suspetsado giilang si alyas "Mitz" 19 anyos,  usa ka Grade 12 nga tinun-an sumala sa PDEA-7.  Usa ka semana nilang gibantayan ang kalihokan sa suspetsado sa wala pa gipahigayon ang operasyon.

Nasakmit sa operasyon ang 100 gramos sa gituohang shabu nga adunay gibanabanang kantidad nga P680,000.  Matud pa sa PDEA-7, ang suspetsado makabaligya og hangtod usa ka kilong shabu kada semana. Giandam na ang kasong paglapas sa Republic Act No. 9165 o ang Comprehensive Dangerous Drugs Act of 2002. Padayon pa ang imbestigasyon sa PDEA-7 aron mailhan ang gigikanan sa ilegal nga droga ug iyang mga kauban.  IBM BANAT NEWS