Rondae Hollis-Jefferson babalik sa Tropang 5G

MANILA, Philippines — Kumpiyansa ang TNT Tropang 5G na makaka­balik sa kanyang pamatay na porma at kondisyon si import Rondae Hollis-Jefferson para sa kanilang pagdedepensa ng korona sa PBA Season 50 Governors’ Cup.

Kasalukuyang nagrere­kober si Hollis-Jefferson sa kanyang natamong ruptured right Achilles tendon na nangyari habang nagla­laro siya para sa Meralco sa EASL tournament no­ong Disyembre.

Ang nasabing injury ay nangangailangan ng 10 buwan hanggang isang taon na recovery.

“I’m at almost five months post-surgery. I’m moving a lot better. I’m able to, you know, run, lightly jump. I’m starting to do more on the court stuff. And I would say around this five month mark is where things start to ramp up when we’re doing more on the court work,” sabi ng 31-anyos na dating NBA player sa kanyang social media post.

Hindi rin siya nakalaro sa nakaraang PBA Commissioner’s Cup na pinagharian ni resident import Justin Brownlee at ng Barangay Ginebra.

“I would say, it’s just a give and take. You know, depending on how the muscle and everything strengthens and recovers, how long I’ll be out for,” ani Hollis-Jefferson.

“I can’t give you an e­xact date, but we’re loo­king at somewhere bet­ween September and October,” dagdag ng PBA Best Import.

Pansamantalang ipaparada ng Tropang 5G si 6-foot-6 import Darius Days sa PBA Governors’ Cup na magbubukas sa Hulyo 10 sa Ynares Center sa Antipolo City.

Sisimulan ng TNT ang title defense sa Hulyo 19 laban sa guest team Macau sa Smart Araneta Coliseum.