Kris ug Chariz, gitudlo isip ambassadresses sa Mrs. Universe Philippines 2026

CEBU, Philippines — Pormal na nga gitudlo  sila Kris Bernal ug Chariz Solomon isip opisyal nga ambassadresses sa Mrs. Universe Philippines 2026.

Gipahibalo kini sa Sparkle GMA Artist Center pinaagi sa ilang Instagram account, malipayong gisul-ob nila Kris ug Chariz ang ilang mga sash.

Kahinumdoman  nga sa niaging buwan , gikoronahan si Fatima Figueroa Alvarez sa Pampanga isip Mrs. Universe Philippines 2026. Siya ang representante sa Pilipinas sa Mrs. Universe 2026, nga pagahimoon karong Oktubre 24 sa Sri Lanka. 

Pabayron og P3.5M nga danyos Anjo, napildi sa kaso batok TVJ

Gimandoan sa Regional Trial Court sa Mandaluyong City ang komedyanteng TV host nga si Anjo Yllana nga mobayad og P3.5 milyon nga danyos ngadto sa TVJ Productions tungod sa iyang mga gipanulti kaniadto  batok sa Eat Bulaga ug sa hosts niini .

Sa desisyon nga gipagawas niadtong Hunyo 30, nakadaog ang TVJ Productions sa kaso, ang kompanyang nagprodyus sa noontime show nga gilangkoban  nila Senador Tito Sotto, Vic Sotto, ug Joey de Leon.

Base sa 18 ka pahina  nga desisyon, ang P3.5 milyon naglangkob sa temperate damages, moral damages, exemplary damages, lakip na ang bayad sa abogado ug uban pang gasto sa kaso.

Ang reklamo batok kang Yllana naggikan sa iyang TikTok videos ug livestreams niadtong 2025, diin giingong nakapamulong siya og mga bakak, daotan, ug makadaot sa dungog nga pahayag batok sa “Eat Bulaga” ug sa hosts niini .

Gidid-an usab sa korte si Yllana, ingon man ang iyang mga representante ug kauban, sa pagsabwag  og bisan unsang makadaot nga mga pulong  batok sa TVJ Productions ug “Eat Bulaga” sa bisan unsang platforms.

Anne gipangandoy ni Dylan

Excited si Dylan Menor sa  uban pa nga mga proyekto nga pagasaw-an sa TV5 ug ABS-CBN.

Una na nga nitumaw ang report nga posibleng molugwa ang ubang Kapatid stars sa pipila ka mga proyekto  sa ABS-CBN.

Usa sa gipangandoy ni Dylan nga makauban niya sa trabaho mao ang aktres nga si Anne Curtis.

 Nagkanayon ang aktor nga childhood crush niya si Anne.

Wish sa fan ni Jireh Lim, natuman dayon

Gihatagan og katumanan   sa OPM singer-songwriter nga si Jireh Lim ang pangandoy sa usa niya ka mabdos  nga fan pinaagi sa personal nga pagbisita niini og gihatod ang gikahinaman niini nga buko.

Nitikang si Jireh mismo sa balay sa content creator nga si Kevin Hermosada ug sa iyang mabdos nga asawa nga si Abigail Campañano-Hermosada. Sa video nga gi-post ni Kevin, makita ang emosyonal nga panagkita sa singer ug sa iyang fan.

Si Jireh mismo ang nitaga sa gidala niini nga buko .

 Gikantahan  usab niya ang iyang fan sa sikat niya  nga awit nga “BUKO (Buhay Ko)”, usa sa mga paboritong kanta sa mga  Pinoy ilabi na sa  videoke. Ang maong pagbisita nahitabo human nabasa  ni Jireh ang post ni Kevin niadtong Hunyo 28. Sa post, makita ang hulagway sa iyang asawa nga nangandoy og  buko.

Mao kini ang caption ni Kevin: “Guys paano to? Gusto daw ni buntis ng buko pero si Jireh Lim daw mag aabot.”

Human niini, gi-share usab ni Jireh ang maong post ug mitubag pinaagi sa mensahe nga: “Boss baka makasama sa baby pag hindi pinag bigyan ang nag lilihi. Ano address???”

Sulod lang sa  pipila adlaw , naabot dayon ang  singer sa balay sa iyang fan.

Therese ug Direk Jaime , engaged na!

Andam na mopaso paingon sa altar sa kaminyoon ang Kapuso multi-awarded actress nga si Therese Malvar human pormal na siya nga na-engaged sa uyab niya  nga direktor nga si Jaime Morados.

Ang intimate engagement kay gitambongan  sa ilang pamilya ug suod nga mga higala.

Sa iyang Instagram post, miingon si Jaime, “Thank you, Lord, for my soon-to-be wife.” Unang nagkaila sila Therese ug Jaime sa dihang susama  pa sila nga film students  sa MINT College.

Sukad niadto, nagtinabangay sila sa nagkadaiyang proyekto  lakip na ang short films nga “Ang Pagliligtas sa Dalagang Bukid” ug ang “They Made Monsters”.

Nakasugat og kakulian

Iuswag sa wala pa matino nga petsa ang  mga nakalinya nga konsyerto sa BINI didto sa Europe nga kabahin sa ilang  "Signals" World Tour ". Sa statement sa Star Magic , giingong  dunay mga nasugatan nga kakulian nga dili kapugngan busa kinahanglan nila nga iuswag sa laing panahon ang maong konsyerto. "We sincerely apologize for the disappointment an inconvenience this may cause. We are working to reschedule the tour and will share updated information as soon as possible," suma pa sa Star Magic. 

Nakasulod sa backstage

Gitubag ni Ellen Adarna ang  netizen nga nikuwestiyon  sa iyang presensya sa backstage sa F Forever 1st World Tour concert kun diin nakahimamat gyud  niya ang  F4 member nga si Vaness  Wu.  Suma pa sa aktres nga duna siya’y  backstage access gumikan kay duna sila’y common friend ni Vaness . “I’ve been friends with Rovilson since before showbiz, and he’s been good friends with Vanness for years. They simply wanted to catch up, and we were fortunate enough to be invited along,” niya pa.

Sugar business

Sa edad nga  81,  si Jose Mari Chan gihapon  ang nangunay og padagan sa iyang sugar business.   Molugwa gyud siya sa opisina aron makita gyud niya ang dagan sa iyang negosyo.  Bisan pa man sa ka-busy niya sa iyang negosyo,  aktibo gihapon siya sa iyang singing career.