2 nga nag-cutting classes nakuhaag pusil, kutsilyo

CEBU, Philippines — Duha na sad ka mga tinun-an sa high school ang nadakpan ug nakuhaan og armas ug kutsilyo sa sulod sa ilang eskuylahan sa Aparri, Cagayan niadtong Biyernes, Hunyo 26.

Nadakpan ang duha sa mga polis nga padulong magpatrolya sa sulod sa eskuylahan ubos sa pagtugot sa opisyales sa eskuylahan human dunay report nga nag-cutting classes ang duha.

Atol sa inspeksyon, nasakpan ang usa ka caliber .38 revolver nga walay serial number nga dunay duha ka bala  sa sulod sa bag sa 15- anyos nga Grade 10.  Sa pagsusi sab sa bag sa 14-anyos nga Grade 8, dunay nakuhang kutsilyo sa bag niini.

Gipatawag sa mga opisyales sa eskuylahan ang mga ginikanan sa tulo ka tinun-an tungod sa ilang pag cutting classes apan tungod sa pag-inspeksyon sa mga polis, nasakpan na hinuon ang duha nga dunay mas bug-at nga gitagoang salaod, ang pagdala og mga hinagiban.

Ang duha parehong gidala sa Municipal Social Welfare and Development Office (MSWDO) para sa assessment ug sa posibleng pagpaubos kanila sa intervention. Ang ikatulong estudyante nga wala makuhai og hinagiban gi-turnover ngadto sa iyang ginikanan.

"Ang mabilis at maayos na pagtugon ng ating mga pulis, kasama ang school authorities, ay nakatulong upang maagapan ang isang sitwasyong maaaring magdulot ng panganib sa loob ng paaralan," matud pang PNP chief Police General Jose Melencio C. Nartatez Jr.