P1.7 bilyong smuggled nga sigarilyo
CEBU, Philippines — Gibanabanang mokabat P1.7 bilyones nga 24 ka container vans nga puno og smuggled nga sigarilyong gikan sa Cebu ang nasakmit sa mga otoridad didto sa Tondo, Manila kagahapon, Hunyo 23,2026.
Ang joint operation gilusad sa mga operatiba sa Bureau of Customs, National Bureau of Investigation ug Bureau of Internal Revenue.
Sa 24 ka container vans, ang 16 ani diha nadiskubrehan sa usa ka pribadong shipping facility sa Tondo, Samtang dunay upat ka container vans pud nga giabandona diha sa usa ka barko ug laing upat pud sa laing mga bodega.
Matud pa ang maong mga sigarilyo gikan sa usa ka pribadong wharf sa Cebu sakay sa usa ka barko nga ginganlan og ASC Big Boy ug nidunggo sa lain pung pribadong wharf sa Tondo.
Sumala pa sa mga otoridad misdeclared ang nakabutang sa dokumento sa mga container vans nga kini mga consumer goods, kay pag-abli human sa raid, 29,000 ka master cases sa sigarilyo ang sulod niini.
Sa pagsusi sa BIR, walay mga tax stamps ang tanang kontrabando. Ang opisyal sa NBI niingon nga gikan pa sa United Arab Emirates ang maong mga sigarilyo ug imported kini.
Padayun pa ang imbestigasyon sa mga otoridad aron pag-ila sa mga nagpaluyo niini tungod sa paglapas sa Customs Modernization And Tariff Act (Republic Act No. 10863) ug National Internal Revenue Code (Republic Act No. 8424).— Gikan sa News5/IBM BANAT NEWS
- Latest
