Eala mibabay na sa Berlin Open
CEBU, Philippines — Napakyas ang Pinay tennis star nga si Alex Eala sa iyang tinguha nga makaabot sa kampiyonato sa Berlin Open.
Kini human si Eala gilupig ni Linda Noskova sa Czechia, 2-6, 4-6, sa ilang sangka sa semifinals sayo kagahapon sa buntag.
Nindot unya kaayo ang dagan sa kampanya sa 21-anyos nga si Eala diin iyang gipayaka si Queen's Club champion Donna Vekic sa unang hugna.
Human niini, gibihag niya si World No.2 Elena Rybakina sa Kazakhstan sa last 16.
Sa quarterfinals, gipayaka ni Eala si Elina Svitolina sa Ukraine aron pag-angkon og kuna sa Final Four. ,Apan si Eala wala makapadayon sa impresibo niyang ratsada ug nahagba sa mga kamot ni Noskova. Si Noskova, nga ka-edad ra ni Eala, nanginahanglan lamang og usa ka oras ug nuybe minutos aron dispatsahon ang Pinay niyang kontra.
- Latest
