Nate, sumabak na sa concert

Finally ay nakasama na ni Ogie Alcasid sa concert ang anak na si Nate. Naganap ito sa kanyang Father’s Day concert last weekend.

Ang ganda rin ng boses ni Nate at magaling sa gitara. “Congrats anak. Masaya ako na nakasama kita sa entablado,” post ni Ogie.

Successful ang two-night concert ni Ogie na pinamagatang Daddyokie na aniya ay first time niyang ginawa ang ganu’ng konsepto.

“Two nights kami sa Proscenium na nagtanghal ng Daddyokie and i have to say napakasarap sa PUSO!!! Our concept was quite different from all the shows we had but this one hit differently. Nakakatuwa ang mga tatay lalo na sa mga naki—sing with me.”

Naging guest niya rin sa nasabing concert ang misis na si Regine Velasquez.

Silent Noise, iniuwi ang Best Asian Content award

Nagwagi ang The Silent Noise ng ABS-CBN Studios at Prime Video sa Global OTT Awards 2026 na ginanap sa South Korea nitong Sabado (June 20).

Iniuwi ng programa ang Best Asian Content award, na nanguna sa mga entry mula Thailand, Japan, China at Taiwan. Lubos ang pasasalamat ng direktor nitong si Onat Diaz na tumanggap ng naturang parangal. “Winning this award will be very meaningful and encouraging for our team in the Phi­lippines because it reaffirms our belief of fearlessly telling our stories with much passion, and create genuine interactions with our audiences that will cut across borders in different territories.”

Ito ang kauna-unahang panalo ng Pilipinas sa Global OTT Awards pati sa Best Asian Content category nito.

Samantala, isa rin sa mga nominado ang lead star nitong si Angelica Panganiban para sa Best Lead Actor (Female) category na dumalo sa nasabing awarding ceremonies, kasabay ang iba pang premyadong aktres mula South Korea, Japan at China.

Kinilala ng Global OTT Awards ang mga platform, creators at programa na nangunguna sa streaming media sa larangan ng drama, variety at music sa pamamagitan ng 14 competitive categories at limang invitational categories.

Tampok din sa Silent Noise sina Zanjoe Marudo, Mylene Dizon, Zaijian Jaranilla, Mutya Orquia, at bagong child star na si KD Omalin.

Nakakuha ng solid viewership ang 10-episode mystery-thriller limited series at naging isa most-watched shows ng Prime Video PH matapos ang premiere nito noong March.

Napapanood ito ABS-CBN sa Prime Video at available rin ito sa mahigit 240 countries at territories worldwide, kabilang ang Australia, Canada, United Kingdom, New Zealand at United States.