Alden, may naramdaman sa ginawa nila ni Nadine
Ibinahagi ni Alden Richards na ramdam niya at ng kanyang co-stars ang suporta ng fans at viewers matapos ilabas ang trailer ng Love, Siargao.
“We are very much happy with the feedback of the netizens, and then, ‘yung mga nakanood ng trailer, maraming salamat po. We’re very excited,” sey ng Kapuso aktor
Agad itong umani ng papuri dahil sa chemistry nina Alden at Nadine Lustre.
Mapapanood sina Alden at Nadine sa kanilang first on-screen pairing sa Love, Siargao, simula June 26 sa Viu.
Bibida rin si Alden sa upcoming GMA medical drama series na Code Gray, kasama sina Christopher de Leon, Romnick Sarmenta, Andrea Torres, Faith Da Silva, Allen Ansay, Shuvee Etrata, Joross Gamboa, Christian Bautista, Kristoffer Martin at Jon Lucas.
Ruru, may kinasasabikan
Sabik na si Ruru Madrid para sa upcoming primetime series na Hari ng Tondo, kung saan muli niyang makakasama ang award-winning Kapuso Drama King na si Dennis Trillo.
Ayon kay Ruru, “Finally, ngayon sa isang teleserye, mas mahaba, mas maraming oras na magkakasama kami ni Kuya Dennis so I’m very excited.”
Bibida rin si Ruru sa kanyang kauna-unahang full-length film sa Cinemalaya na Kamay Ni Bathala, kung saan gaganap siyang sundalo. Ipapalabas ito ngayong Agosto.
Kakatapos lang din niya ng taping sa Spain para sa isa pa niyang pelikula, ang Los Salvajes Bravos.
- Latest
