Ahanmisi, Bolick at Fajardo bumida sa Comm’s Cup
MANILA, Philippines — Hindi lang sina Justin Brownlee, RJ Abarrientos, Scottie Thompson at Barangay Ginebra ang kuminang sa katatapos lang na PBA Season 50 Commissioner’s Cup.
Bumida sa scoring sina Jerrick Ahanmisi, habang bandera din sa ibang departments sina Robert Bolick ng NLEX, June Mar Fajardo ng San Miguel, Zavier Lucero ng Magnolia at Joshua Munzon ng Titan Ultra.
Bago malipat sa SMB ay trinangkuhan ni Ahanmisi hindi lang ang Dyip kundi ang buong PBA sa likod ng scoring averages na 21.5 points upang daigin nang bahagya lamang si Sedrick Barefield na may 21.08 points.
Swak din sa Top 5 sina Abarrientos (19.96), Damiang Chong Qui ng guest team Macau Black Knights (19l.83) at Bolick ng Road Warriors (19.79).
Numero uno rin sa assists si Bolick sa 8.21 kada laro, habang namuno sa steals si Munzon sa 2.92 kada duwelo.
Tore naman sa rebounding si nine-time PBA MVP Fajardo sa 14.54 rebounds kasama ang league-best din na 5.08 offensive rebounds, habang tapal king si Lucero sa likod ng 2.0 blocks.
Trangko sa ibang departamento sina Sangalang ng Magnolia (66.15% field goal), Chris Newsome ng Meralco (46.58% 3 points), Bong Quinto (55.56% 4 points) at Jordan Heading ng TNT Tropang 5G (92.85% freethrow).
- Latest
