Mga banggiitan, mag-abot sa “Higans tols the Wind”

CEBU, Philippines — Gitak-ang na sa  bag-ong production arm nga DotTV Studios ang ilang unang serye  nga “Higans Tols The Wind,” usa ka talagsaon nga kombinasyon sa komedya, pantasya ug drama nga gilauman nga makadani sa viewers .

Pagabidahan  kini sa sikat nga basketball star  nga si Bonel Balingit kauban sila  Budot Koh Ui, Fernan Noval, Diana Cortes, ug Cocoy Gamitoy.

Apil usab sa cast ang mga lig-ong artista sa Sugbo nga sila Ofelia Chavez, Dan Sy Lopez, Losyl Liu, Nathalia Garcia, Dulcita Batausa Siroy, Zachary Aiden, Ching Martinez, Jun Sta. Cruz, ug Charles Vailoces.

Sa gipahigayon nga presscon sa niaging adlaw , gibutyag ni Bolingit nga wala gyud siya nagduha -duha sa pagdawat sa maong proyekto gumikay kay taod-taod na pud siya nga nakapahuway sa pag-arte atubangan sa kamera ug nalipay siya nga makatrabaho ang local artists .

Ang “Higans Tols The Wind” mao ang unang serye nga gihimo sa DotTV Studios ug kasamtangang gisabotan ang tataw nga petsa sa pagpasalida niini  sa DotTV Network ug Cignal  107.

Si Sam Costanilla, VF maoy direktor sa maong proyekto kinsa naghinam-hinam sa paghupot sa maong klase nga proyekto .

Suma pa sa tag-iya sa DotTV Studios nga si Juniño Padilla nga dili lamang kini ang proyekto nga giandam sa kompanya tungod kay daghan pa silang mga programa ug produksyon nga ipahibalo sa umaabot nga mga adlaw.

Aksyon ug drama, mag-abot sa “Bad Boy 3”

Usa ka pelikulang naghiusa sa aksyon ug drama, inubanan sa bug-at nga emosyon maoy nagtangag sa upcoming film ni Senador Robin Padilla nga @Bad Boy3.

Nitikang si Robin sa Cebu sa niaging adlaw alang sa special screening sa pelikula didto sa Robinsons Galleria Cebu .

Kauban niya si Dennis Padilla, nga adunay importante nga papel sa maong pelikula.

Labaw pa sa mga makapukaw nga eksena sa aksyon, ang “Bad Boy 3” nagdala usab og mas lawom nga sugilanon mahitungod sa kinabuhi, pamilya, pagbag-o ug pag-atubang sa mga hagit sa paglabay sa panahon.

Ang unang “Bad Boy” nga gipasalida niadtong 1990 ug ang “Bad Boy II” niadtong 1992 nga puros nagmalampuson sa takilya.

Gawas sa pagdala sa nag-unang karakter, siya usab ang direktor sa pelikula. Atol sa presscon , gianunsyo usab ni  Robin nga posibleng dunay sequel ang uban pa niya nga hit films nga sama sa “Mistah,” “Ang Utol Kong Hoodlum,” ug “Maging Sino Ka Man”.