Gatchalian nanumpa na isip Senate President
CEBU, Philippines — Si Senador Sherwin Gatchalian ang napili ug nanumpa isip Senate president kagahapon, Martes Hunyo 17, human nakakuha ang iyang liderato og 13-member quorum nonot sa pagtambong ni Senador Joel Villanueva sa special session.
Kining maong lakang maoy agi og pormal nga pag takeover sa majority nga gipanguluhan ni Gatchalian human sa pila ka semana nga panagsungi tali sa liderato ni Senador Alan Peter Cayetano, kansang mga miyembro ang wa motunga sa session.
Si Senador Miguel Zubiri ni-nominate ni Gatchalian isip Senate president human sa roll call, diin natala nga dunay 13 ka senador ang nitunga. Walay objections nga nitumaw hinungdan sa pagkapili ni Gatchalian. Ang pagtunga ni Villanueva naghatag sa Gatchalian bloc og duhang usa ka botos nga sobra sa 12 ka senador nga unang nipaluyo sa reorganization. Ang tanang 13 ka senador nga nitunga pulos gikan sa bloc nga niila sa liderato ni Gatchalian.
Wa motunga sa sesyon mao ang kanhi alyado ni Villanueva nga sila si Cayetano, ang igsoon niini nga si Pia Cayetano, Rodante Marcoleta, Imee Marcos, Robin Padilla, Loren Legarda, ug ang magsuon nga Camille Villar ug Mark Villar.
Si Cayetano sayo niini mi concede sa iyang Senate presidency, ug miangkon nga ang iyang bloc wala nay igong numero aron makapadayon sa iyang posisyon.
- Latest
