80 barangay mag earthquake drills
CEBU, Philippines — Human sa nahitabong 7.8 magnitude nga linog didto sa Sarangani Province sa Mindanao, gusto sa Cebu City Disaster Risk Reduction and Management Office (CCDRRMO) nga subling magpahigayon og pagbansay-bansay para pagpangandam ani
Usa ka Earthquake Preparedness and Response Refresher Course alang sa mga opisyal ug emergency responders sa tanang 80 ka mga barangay sa syudad ang pagahimuon aron nga mapalig-on ang kaandam sa mga batok sa mga linog ug uban pang kalamidad.
Ang pagbansay alang sa mga barangay sa amihanang distrito ipahigayon karong Hunyo 28, samtang ang mga barangay sa habagatang distrito mopaubos sa susamang refresher course sa Hunyo 29. Ang duha ka sesyon himuon sa 9th Floor Social Hall.
Gipahibalo ni Konsehal David “Dave” Tumulak , tsirman sa Committee on Disaster Risk Reduction and Management nga mahinungdanon nga andam ug may kaalam ang mga naa sa barangay.
Sa report sa Cebu City News, ang mga partisipante makadawat og bag-ong impormasyon ug praktikal nga leksyon kabahin sa emergency response operations, mass casualty incident management, domain awareness, disaster coordination, ug uban pang importante nga pamaagi sa pagdumala sa mga emerhensiya.
Giawhag sab ni Tumulak ang tanang barangay nga aktibong moapil ani para sa kaayohan sa community preparedness mao ni pundasyon sa disaster resilience isip mga first responders panahon sa kalamidad.
Kagahapon sa hapon Hunyo 15, usa ka magnitude 6.2 nga linog sad ang niigo sa kadagatan sa Governor Generoso, Davao Oriental sumala pa sa PHIVOLCS.
Na-rekord kini alas 5:18 p.m. ug ang epicenter naa sa 164 kilometers southeast sa Governor Generoso sa gilawomon nga 86 kilometers. Matud pa sa ahensiya, nabatyagan kining linog sa General Santos City nga Intensity 3. (BANAT NEWS)
- Latest
