Clarkson NBA champ na

May bagong tagumpay si Jordan Clarkson.

Ito ay matapos gumawa ng kasaysayan bilang kauna-unahang Filipino-American na nagkampeon sa NBA.

Bahagi si Clarkson ng New York Knicks na nakasungkit ng korona sa NBA.

Tinalo ng Knicks ang San Antonio Spurs sa Game 5 sa pamamagitan ng 94-90 desisyon sa best-of-seven championship series.

Tinapos ng Knicks ang Finals series hawak ang 4-1 panalo.

Natuldukan ng Knicks ang mahigit limang dekadang pagkauhaw nito sa korona.

Huling nagkampeon ang New York noong 1973 pa.

Ito naman ang unang NBA title ni Clarkson sa liga sa kanyang 12 seasons na paglalaro.

Abot-kamay na sana ni Clarkson ang korona noong nasa Cleveland Cavaliers pa ito noong 2018.

Subalit yumuko ang Cavaliers sa Golden State Warriors.

Makailang ulit nang naglaro si Clarkson kasama ang Gilas Pilipinas sa mga international tournaments.

Naglaro si Clarkson sa Gilas Pilipinas na sumabak sa 2023 FIBA World Cup na ginanap sa Pilipinas.

Kasama rin si Clarkson sa Gilas Pilipinas na umarangkada sa Asian Games sa Jakarta, Indonesia noong 2018.

Subait hindi nakasungkit ng medalya ang Gilas Pilipinas sa naturang edisyon ng Asian Games.

Isa pang Fil-Am player na si Dylan Harper ang naglaro sa NBA Finals.

Kasama si Harper ng Spurs na nagkasya sa runner-up trophy.