Gihan-ay ang kaugalingon

CEBU, Philippines — Gibutyag ni Yen Santos nga daghan siya og gihan-ay kalabot sa iyang personal nga kinabuhi ug mao kini ang rason nga nakapahulay  siya sa showbiz sulod sa pipila ka tuig.Matud pa niya nga dili pud lalim  ang iyang naagian sa wala pa siya hingpit nibalik sa showbiz. Ubay-ubay ka mga proyekto ang iyang nabalibaran. Niaktibo na og balik si Yen sa pag-arte. Ang serye sa iWant nga "Twist of Fate" maoy latest project sa aktres .

Nag-ipon og puyo

Nitungtong na og  10 ka tuig ang relasyon nila  Jake Vargas ug  Inah de Belen . Sa maong gidugayon, lima ka tuig na usab sila nga nag-ipon og puyo . Aminado si Jake nga si Inah gyud ang iyang pakaslan. Matud pa niya nga wala sila nagdali sa maong butang ilabi na nga nangihanglan kini  og lapad  nga preparasyon.

Gipalit ang balay

Gipalit   ni  Ryzza Mae Dizon  ang balay sa iyang silingan nga nagyaga-yaga niya kaniadto . Dili gyud niya malimtan ang maong matapobre niya nga silingan . Aminado si Ryzza nga nag-agi siya og kalisod kaniadto  ug nausab ang dagan sa iyang kinabuhi sa dihang nakadaog siya sa  Little Miss Philippines sa “Eat Bulaga” niadtong 2012, hangtod nga nisulod siya sa showbiz .

“Nurse the Dead” sugdan karong adlawa

Kombinasyon sa horror ug komedya   maoy mopatigbabaw sa  bag-ong iWant Original supernatural comedy series nga “Nurse the Dead” nga mosikad   sugod karong  adlawa, Hunyo 12.

Gibidahan kini sa Fil-Am star nga si Jelynn Sophia Malone uban nila Anthony Jennings, Princess Punzalan, Ruby Rodriguez, Gigette Reyes, ug Tootsie Guevara.

Sinulat ug ubos kini sa direksyon sa  award-winning Fil-Am filmmaker nga si Mark Labella.Ipakita  usab sa maong  serye ang dedikasyon ug sakripisyo sa mga Pinoy  nurse nga nagtrabaho sa gawas sa nasud.