Isa na lang sa Knicks
NEW YORK — Isang panalo na lang ang kailangan ng Knicks para makamit ang inaasam na NBA championship sapul noong 1973.
Bumalikwas ang New York mula sa isang 29-point deficit para balikan ang San Antonio Spurs, 107-106, sa Game Four at ilista ang 3-1 lead sa NBA Finals.
Ang tip in ni OG Anu???noby mula sa mintis na three-point attempt ni Jalen Brunson sa huling 1.2 segundo ang kumumpleto sa pagbangon ng Knicks kontra sa Spurs.
“I told OG as big, as strong, as athletic as he is, he’s got to be a monster on the offensive glass tonight,” ani coach Mike Brown. “I don’t know if there was a play bigger than any other play in the history of Knicks basketball.”
Humataw si Brunson ng 36 points at may 33 markers si Anunoby para sa pagresbak ng New York mula sa naunang kabiguan sa San Antonio sa Game Three.
Nakatakda ang Game Five sa Linggo sa San Antonio.
Ipinoste ng Spurs ang 81-52 kalamangan sa 9:40 minuto sa third quarter sa pangunguna ni center Victor Wembanyama.
Ngunit unti-unting nakabalik sa laro ang Knicks sa pangunguna nina Brunson at Anunoby para agawin ang panalo.
“I think it began before the fourth quarter,” wika ng 7-foot-4 na si Wembanyama sa pagkulapso ng San Antonio. “I can’t really explain it right now. I don’t know. ... We clearly weren’t the most hungry in the second half.”
Dalawang free throws ang naimintis ni Wembanyama sa huling 1:47 minuto ng fourth period kung saan angat sila sa 104-103.
Humakot ang 22-anyos na si Wembanyama ng 24 points at 13 rebounds, ngunit nagtala ng mahinang 9-for-25 field goal shooting para sa Spurs na nakahugot kay Fil-Am rookie guard Dylan Harper ng 21 points.
- Latest
