Sandara dunay kaugalingong record label

CEBU, Philippines — Milusad dili pa lang dugay sa  iyang  unang record label nga gitawag og Aradnas ang miyembro sa 2NE1 ug gitawag nga “Pambansang Krung Krung ng Pilipinas” nga si Sandara Park.

Sa report sa  Soompi ,  gipahibalo sa Aradnas nga magpagawas si Sandara og bag-ong single nga "Reprism" ubos sa maong label.

“Sandara Park is making a new beginning with her own label ARADNAS. She will release a new single album titled ‘rePRISM’ on June 20. Starting with this, she plans to continue various activities, including festivals, fan concerts, and an Asia fan concert tour,” suma pa sa  Aradnas.

Una  nga nipasilong  si Sandara sa YG Entertainment. Mibiya siya sa maong agency niadtong 2021 human sa 17 ka tuig ug pipila sa sikat niya nga  mga kanta  mao ang  “In or Out,” “Smile in Your Heart,” ug uban pa.

Human sa 14 ka tuig Sooyoung ug Jung Kyung-ho , mitak-op sa ilang relasyon

Nagbulag ang K-pop star-turned-actress nga si Sooyoung ug ang aktor  nga si Jung Kyung-ho human sa 14 ka tuig nila nga  relasyon,  kini  sumasa report sa Korean entertainment news website nga Soompi .

"It is true that they have broken up. They have decided to remain good colleagues," suma sa management ni Sooyoung nga Saram Entertainment.

Samtang ang  talent agency  ni Kyung-ho nga Management Allum kay nagkanayon, “It is true that they have broken up. As it is a private matter, it is difficult to provide further details."

Nagkauyab ang duha niadtong 2012 apan gipahibalo nila sa publiko ang ilang relasyon niadtong 2014.

Gazini pasok pelikula

Human sa iyang pagsalmot  sa Miss Grand International All Stars, andam na mosulod sa industriya sa pelikula ang beauty queen ug Sparkle artist nga si Gazini Ganados ug magsugod na kini  sa usa ka bag-ong proyekto .. Sa report sa “24 Oras” niadtong Martes, gipadayag ni Gazini  nga makauban niya sa maong pelikula ang susama  niya beauty queens ug  Sparkle artists.

Byeon mobalik sa Pilipinas

Mobalik sa Pilipinas ang South Korean actor nga si Byeon Woo-Seok alang sa iyang umaabot nga fan meeting sa Mall of Asia Arena karong Oktubre 10.  Kahinumdom nga ang iyang katapusang pagbisitasa nasud  kay niadtong Hulyo sa niaging tuig alang sa usa ka fans day  nga gidumala sa usa ka brand nga iyang gi-endorso.

Bing Austria mipanaw

Nitaliwan na ang  multi-band musician nga si Bing Austria niadtong Hunyo 8 human sa kapin usa ka semana nga pag-istar  sa intensive care unit . Nasayran nga dunay  kakulian sa  iyang  appendix  si Bing sa edad nga 62 . Gikumpirmar  kini sa iyang kapikas nga si Bashia Grafilo. Nailhan si Bing sa kadaghanan  gumikan sa iyang mga banda nga Juan Pablo Dream, Put3ska ug Tropical Depression.  — Grezy Mie Sibay