Tara Basa! Program nakita nga malamposon

CEBU, Philippines — Usa ka bag-ong paglaum alang sa literacy ang mabati sa mga niapil nga public elementary schools sa 12 ka local government units (LGUs) sa Central Visayas human gitapos sa Department of Social Welfare and Development-7 (DSWD-7) ang 20 ka-adlaw nga implementasyon sa Tara, Basa! Program niadtong Hunyo 4, 2026.

Ang culminating activities nagtimaan sa usa ka milestone alang sa mga learners nga kaniadto naglisod sa letter recognition, sound identification ug basic word reading, tungod kay nakadawat sila og certificates of completion gikan sa ilang mga tutors human sa pagtapos sa literacy intervention program.

Sumala sa DSWD-7, ang mga selebrasyon nagpakita usab sa dakong papel sa mga ginikanan, guardians ug youth development workers (YDWs), nga ang ilang hiniusang paningkamot nakapalig-on sa partisipasyon sa pamilya ug suporta sa pagkat-on sa mga bata sa balay. Ang mga ginikanan ug guardians mitampo og pagkaon ug refreshments atol sa culminating activities, nga naghimo sa okasyon nga usa ka selebrasyon sa kalampusan, empowerment ug community solidarity.

Ang epekto sa programa makita sa mga testimonies nga gipaambit sa mga pamilya nga nakaapil. Sa usa ka community group alang sa Tara, Basa! nga mga ginikanan ug guardians, si May May Atillo mipahayag og pagpasalamat sa mga tutors nga mitabang sa pagpaayo sa reading skills sa iyang anak nga si Brittney.

Laing ginikanan nga si Mae Mansueto, mipaabot usab og pasalamat sa mga tutors ug YDWs tungod sa ilang pasensya ug dedikasyon sa pagtudlo sa mga bata ug sa pagtabang sa mga ginikanan aron mas maayong madala ang ilang mga anak ngadto sa responsableng miyembro sa komunidad. Tibuok 215 ka public elementary schools sa Central Visayas ang miapil sa programa, nga naka-accommodate og 5,550 ka learners ug parehas nga gidaghanon sa mga ginikanan o guardians sa tutoring ug family development sessions. Sa kinatibuk-an, ang programa nakabenepisyo og 12,970 ka indibidwal sa rehiyon, apil ang 1,109 ka tutors ug 761 ka youth development workers. Ang ubang mga lugar nga apil sa programa mao ang Danao City, Mandaue City, City of Naga, Talisay City, Toledo City, Argao, Barili, Balamban, Malabuyoc ug Medellin. Human sa pagkompleto sa mga session, ang mga tutors, YDWs ug mga ginikanan o guardians nga miapil makadawat sa ilang subsidies ug participation incentives sa dili pa matapos ang Hunyo 2026, depende sa kompleto nga documentary requirements. Suma sa DSWD-7 nga ang financial assistance gitumong sa paghatag og dugang suporta sa mga beneficiaries ug sa pagpalig-on sa pasalig sa programa sa inclusive community development. Ang Tara, Basa! Program usa sa flagship initiatives sa national government ubos sa administrasyon ni Presidente Ferdinand Marcos Jr. ug gipangulohan ni Social Welfare Secretary Rex Gatchalian ubos sa supervision ni Undersecretary for Innovations and Program Development Edu Punay. (BANAT NEWS)