Finalists sa Cebu Ultimate Catwalk Superstar 2026, gipaila na!
CEBU, Philippines — Opisyal nang gipaila ang 14 ka finalists nga magtigi alang sa nagkadaiyang kategoriya sa Cebu Ultimate Catwalk Superstar 2026. Gihimo sa niaging adlaw ang sashing ceremony sa usa ka mall dinhi sa Dakbayan sa Sugbo .
Gikan sa ubay-ubay ka mga batan-on nga niapil sa screening, 14 lamang ang nakalusot ug napili aron mahimong opisyal nga finalists sa duha ka kategoriya sa kompetisyon.
Sa Category A, ang mga kandidata mao sila si Ashley Jan Rey (Sawang Calero), Nian Zafra (Talisay City ), Princess Chavez (Municipality of Liloan), Althea Starr Rollin (Municipality of Consolacion), Ice Tumakay (Lapu-Lapu City), Jeanelle Kiandra Navaja (Pusok, Lapu-Lapu City), ug Yuika Mori (Capitol Site).
Samtang sa Category B, ang mga kandidata kay sila si Sofia Denise Rivera (Mambaling, Cebu City), Beautriz Clein Ponce (Minglanilla), Cathyn Nacional (Poblacion, Pardo), Monica Julia Tarega (Tuyan, Naga City), Kylie Jade Tolin (Toledo City), Chrisha Samantha Acebes (Cordova, Cebu), ug Windhea Aldiano (Talisay City).
Ang maong kompetisyon kay gidumala nila ni Prince Amit isip Regional Director, Beth Sabello isip Assistant Regional Director, ug Jon Dominic Roa isip Creative Director.
Sa dili pa ang grand finals, moagi pa ang finalists sa nagkadaiyang workshops o training sessions aron mas mapalambo ang ilang talento, disiplina, ug ka banggiitan sa pagrampa sa entablado.
Mahitabo ang grand finals karong Hulyo 25, 2026, samtang padayon pa nga gi-finalize ang venue niini.
- Latest
