Tulo ka durugista sikop sa buy-bust

CEBU, Philippines — Tulo ka suspetsadong drug personality ang nasikop atol sa duha ka managlahing buy-bust operation nga gipahigayon sa Cebu City Police Office (CCPO) subay sa Simultaneous Anti-Criminality Law Enforcement Operations (SACLEO) niadtong Sabado sa gabii.

Usa sa mga suspetsado nasikop atol sa gipahigayong operasyon Abellana Police Station  diha sa Barangay Capitol Site samtang ang laing duha ka suspetsado ang nasikop atol sa buy-bust operation sa Station Drug Enforcement Team (SDET) sa Sawang Calero Police Station diha sa Barangay Sawang Calero.

Kapin 15.12 gramo nga shabu ang nasakmit sa kapolisan atol sa duha ka operasyon diin nikantidad kini tanan ngadto sa ?102,816.

Ang mga suspetsado natingkagol sa detention facility sa kapolisan samtang giandam ang pagsang-at og mga kaso batok kanila tungod sa paglapas sa sections 5 ug 11, article II sa Akta Republika 9165 kun “Comprehensive Dangerous Drugs Act of 2002”.

Matud sa CCPO nga ang maong kalamposan nagpakita sa padayon nilang paningkamot uban sa koordinasyon sa Philippine Drug Enforcement Agency (PDEA) sa pagpahugot sa kampaniya batok sa ilegal nga drugas ug sa pagmentinar sa kalinaw, kahapsay, ug kaluwasan sa komunidad. BDB BANAT NEWS